Қазақстан Зейнеткерлерге коммуналдық қызметтті төлеуге қаржылай көмек көрсетілетіндігі рас па?
Әлеуметтік желіде коммуналдық қызмет бағасының өсуіне байланысты зейнеткерлерге материалдық көмек көрсетіледі деген ақпарат тараған
Алайда ҚР Еңбек және халықты әлеуметтік қорғау министрлігі бұл ақпараттың шындыққа жанаспайтынын мәлімдеді, деп Устинка LIVE тілшісі.
Мессенджерлер мен әлеуметтік желілерде Қазақстан Республикасы Үкіметінің қаулысымен барлық зейнеткерлерге коммуналдық қызмет бағасының өсуіне байланысты материалдық көмек көрсетіледі деген тарап жатқан ақпарат шындыққа жанаспайды, - делінген мәлімдемеде. - Себебі Үкімет тарапынан дотациялық қаржылық көмек көрсету туралы қаулы қабылданған жоқ. Сол себепті бұл ақпарат жалған.
Сонымен қатар, ведомство "Тұрғын үй қатынастары туралы" Заңының аясында жергілікті атқарушы органдар жергілікті бюджеттен аз қамтылған отбасыларға (азаматтарға) жеке тұрғын үйді ұстауға кеткен шығындар арасындағы айырмашылықты өтеуге және осы мақсаттарға арналған шығыстарының шекті деңгейінде тұрғын үй көмегін көрсету қарастырылғанын еске салды.
Тұрғын үй көмегін тағайындау үшін құжаттарды egov.kz порталы арқылы немесе халыққа қызмет көрсету орталығында тапсыруға болады.
