Қазақстан Қазақстан Парижде өтетін жазғы Олимпиадаға ресми шақырту алды
2024 жылы Парижде XXXIII жазғы Олимпиада ойындары өтеді
Фото:
ашық дереккөзден
Мәдениет және спорт министрлігін бұл спорт сайысына қатысу үшін Қазақстанға ресми шақырту келгенін мәлімдеді, деп хабарлады ҚазАқпарат.
Следующая →
ҚР Мәдениет және спорт министрлігі Қазақстан Париждегі XXXIII жазғы Олимпиадаға ресми түрде шақыру алғанын хабарлайды. Ресми құжатты халықаралық Олимпиада комитеті Қазақстан Республикасының Ұлттық олимпиада комитетіне жолдады, - делінген хабарламада.
Олимпиада ойындары 2024 жылдың 26 шілдесі мен 11 тамызы аралығында Франция астанасы - Париж қаласында өтеді.
Айта кетейік, 14 маусымда Қазақстан Париж Олимпиадасының алғашқы лицензиясын жеңіп алды.
Еске салсақ, 2021 жылы Токиода өткен Олимпиадада 97 қазақстандық спорттың 28 түрінен бақ сынады. Нәтижесінде 8 қола медаль жеңіп алды.
