Қазақстан Бүгін "Qazsport" арнасының ашылғанына 10 жыл толды
Телеарна "Қазақстан" телерадиокорпорациясының құрамынан 2013 жылдың 1 шілдесінен бастап ашылды
10 жыл ішінде арна 66 723 сағат хабар таратып, көрермен назарына 15 мың трансляция ұсынған, деп хабарлады ҚР Ақпарат және қоғамдық даму министрлігі.
Бүгінде "Qazsport" арнасының тәуліктік эфир көлемі 18 сағатты құрайды.
Телеарна спорттық трансляциялардан бөлек, "Sport Review" ақпараттық-сараптамалық бағдарламасын, "Qazsport алаңы" ток-шоуын, ел футболына арналған "Доп дода", "Тур по туру", "Pro Football" жобаларын, хоккейге арналған "Pro Hockey", волейбол спортына бағытталған "С volley к победе", кәсіпқой бокс бағытындағы "The Ring", спорттың әр түрін қамтитын "Жүйріктер жолы" жобаларын тұрақты түрде көрсетіп келеді.
Отандық телекеңістіктегі тұңғыш спорттық арнаның туған күніне орай бүгін 17.30-да "Qazaqstan" телеарнасынан "Qazsport - 10 жыл. Сергек. Төзім. Жеңіс" жобасы эфирге шығады.
