Қазақстан Суретке түспек болып таудан құлап кетті
Кеше Бурабайдағы демалыс аймағында әйел адам таудан құлап мерт болды
Фото:
pexels.com
Ол таудың шолу алаңында суретке түспек болған кезде құлаған, деп хабарлады ҚазАқпарат.
Қазір осы оқыс іске қатысты сотқа дейінгі тергеу амалдары жүріп жатыр.
Ақмола облыстық Полиция департаментінің баспасөз қызметінен мәлім еткендей, қайғылы оқиға 11 маусымда болған. Анықталғандай, қайтыс болған әйел бір күн бұрын отбасымен бірге Астанадан Бурабай ауданына келген. Бөлектау тауының шолу алаңында суретке түспекші болған кезде төмен құлап, тасқа соғылған.
Осы ретте, тәртіп сақшылары өңір тұрғындары мен қонақтарына демалуға барғанда сақ болуды және қажетті қауіпсіздік шараларын сақтауды сұрайды.
