Қазақстан Ұсақ тиынды қабылдамайтындар әкімшілік жауапқа тартылады
Қазір қолма-қол есепайырыс заманы өтіп бара жатқан шақта 1, 2, 5 теңгелік монеталарды қабылдамайтындар көп кездеседі
Бұл ұсақ номиналды монеталар төлем құралы болып табылатындықтан, оны қабылдамай қоюға ешкімнің құқығы жоқ, деп хабарлайды Устинка LIVE тілшісі Қазақстан Ұлттық банкіне сілтеме жасап.
Қазақстан Республикасының аумағында қолма-қол ақша айналысындағы циркуляциялық монеталардың мынадай номиналдары пайдаланылады: 1, 2, 5, 10, 20, 50, 100, 200 теңге. Олар заңды төлем құралы болып табылады. Монеталар Қазақстан Республикасының бүкіл аумағында төлемдердің барлық түрі бойынша, сондай-ақ, банктік шоттарға есептеу және аудару үшін олардың белгіленген құны бойынша қабылдануға міндетті, - делінген хабарламада.
Барлық банктер мен Ұлттық пошта операторы ("Қазпошта" АҚ) шексіз көлемде ұсақтайды және айырбастайды.
Ұлттық валюта банкноталары мен монеталарын белгіленген құнымен қабылдаудан бас тарту – Қазақстан Республикасының Әкімшілік құқық бұзушылық туралы кодексінің 206-бабында көзделген әкімшілік жауапқа әкеп соғады, - деп ескертеді ҚР Ұлттық банкі.
