Эйнштейн ашқан тартылыс толқыны табылды

Оған зерттеушілер Луизиана мен Вашингтон штатындағы екі лазерлі обсерваториядан түскен тың деректерді зерттеу арқылы қол жеткізді, деп хабарлайды (24.kz сайты).

Ғалымдар Күннің салмағынан бірі – 29, ал, екіншісі 36 есе ауыр қара ойықтар соқтығысып, алып ойыққа айналған кезде анықтаған. Ал кезінде Эйнштейн гравитациялық толқынның бар екенін өзінің салыстырмалы теориясында айтып кеткен болатын. Ол материяның кеңістік пен уақыт өлшемінің өзгеруінен туатын тартылыс деп аталады. Бірақ бұл толқындар әлсіз болғандықтан, мамандар оны осы күнге дейін анықтай алмаған еді. Енді ғалымдар бұл жаңалық ғарыш әлемін зерттеудің жаңа кезеңіне жол ашады деп отыр. Габриэла Гонсалес, Луизиана университетінің физик-ғалымы: - Біз гравитациялық толқынды ести аламыз. Біз әлемді көріп қана қоймаймыз, енді оны ести де алатын болдық.