Қазақстан мен Польша құрамалары Әлем чемпионатының жолдамасына таласады

Бүгін Сербия астанасы Белградта 2016 жылдың 14 қыркүйегі мен 2 қазан аралығында Колумбияда өтетін футзалдан Әлем Чемпионатына жолдама берілетін ойындардың жеребесі тартылды, деп хабарлайды (Today.kz сайты) Қазақстан футбол федерациясы баспасөз қызметіне сілтеме жасап.

Жеребе қорытындысы бойынша Қазақстан құрамасына Польша құрамасы түсті. Қазақстандық ойыншылар алғашқы кездесуді сырт алаңда 22 наурыз күні өткізеді. Қарымта матч 12 сәуірге белгіленген. Әлем чемпионатына әр жұптың жеңімпазы тікелей жолдама алады. 

Жеребенің қорытындысы: 

Словения – Испания

Словакия – Украина

Польша – Қазақстан

Сербия – Португалия

Беларусь – Ресей

Нидерланд – Әзірбайжан

Венгрия – Италия