«Арселор Миттал Теміртау» компаниясының қысқарту құрбандар

Бұл жолы үндістандық темір магнаты 2 мың адамды жұмыстан қысқартпақ. Компания мұның себебін жаһандық дағдарыс салдары деп қысқа қайырды. Оған төтеп беру үшін жасы келгендерді зейнетке жіберу, кейбір қызмет түрлерін аутсорсингке шығару керек екен. Қағаз бен қалам ұстап кеңседе отыратындардың да қатарын кемітеміз дейді олар. Ал өндіріс көлемін керсінше арттыру керек деп шешіпті.

Осылай жасағанда ғана компанияның тірлігін тұралаудан аман алып қалатындарына сенімді. Бұлар былтыр да 2000 адамды осылай қысқартқан. Өнімін доллармен сататын олар, теңге құлдырағанда бөрігін аспанға атқан еді. Ұлттық валютаға шаққанда пайдасы еселенгенмен, қара жұмыскерлері жалақыға әлі жарымай жүр.