Қазақстан Демалыс күндері ауа райы қандай болады?
Алдағы демалыс күндері еліміздің басым бөлігінде жауын-шашын болады деп күтілуде
Қазгидрометтің болжауынша атмосфералық фронтальды ағындар әсерінен жауын-шашын болуы мүмкін, деп хабарлайды Устинка LIVE тілшісі.
Елдің шығысында, оңтүстігінде және оңтүстік-шығысында нөсер жауын (жаңбыр, қар), желдің күшеюі, солтүстік бөлігінде баяу бұрқасын, республиканың оңтүстік өңірлерінде көктайғақ күтіледі, - делінген хабарламада. - Тек Атырау, Маңғыстау, Ақтөбе, Ұлытау және Қызылорда облыстарында жоғары атмосфералық қысым өрісінің әсерінен таяудағы үш тәулікте жауын-шашынсыз ауа райы болжанады.
Сондай-ақ, республика бойынша тұман түсуі мүмкін.
Батыс, солтүстік-батыс аймақтарға келетін болсақ, ауа температурасының көтерілуі күтіледі. Қалған аймақтарда ауа температурасы төмендейді.
