Қазақстан Жастарға жеңілдетілген микроқаржы беріле бастайды
Бұл несиені 6 мыңға жуық жас наурыздан бастап ала алады
Жалпы сомасы 29 млрд теңге қарастырылған, деп хабарлайды Устинка LIVE тілшісі atameken.business-ке сілтеме жасап.
Биыл жастарға 29 млрд теңге көлемінде жеңілдетілген шарттары бар микрокердит беру жоспарланып отыр. Мұны Еңбек және халықты әлеуметтік қорғау мнистрінің орынбасары Олжас Ордабаев айтты.
Мемлекет басшысының тапсырмасы бойынша наурыз айынан бастап жеңілдетілген шарттармен микрокредит беруді бастау жоспарланып отыр. Осы мақсаттарға 2023 жылға 29 млрд теңге қарастырылған. Осы қаражат есебінен 5,8 мың жас адамға жеңілдігі бар кредит беру жоспарланған. Бұлардан бөлек грант беру құралдары жасалды, - деді вице-министр.
Сондай-ақ, ол 13 ақпаннан бастап кірісі жоқ жастарды SMS-хабарлама арқылы жұмысқа тарту жобасы басталғанын мәлім етті.
Қазіргі таңда халықты жұмыспен қамту орталықтарының мамандары SMS алған алғашқы 12 мың адамға жұмыспен қамту бағытындағы белсенді шараларға тарту үшін қоңырау шалып жатыр, - деді Олжас Ордабаев.