Қазақстан ШҚО-да жерасты дүмпулері 7-9 баллға дейін жетуі мүмкін
Соңғы бес жылда Қазақстанда 40 мыңға жуық жер сілкінісі болған
Бұл туралы ТЖМ Сейсмология институты мәлімдеді, деп хабарлайды Устинка LIVE тілшісі.
Сейсмология институты директорының ғылым жөніндегі орынбасары Нұрсарсен Өзбековтің айтуынша, еліміздің бірқатар өңірі сейсмикалық қауіпті аймақта тұр.
Шығыс Қазақстан облысынан бастап, Қызылорда облысына дейін жерасты дүмпулері 7-9 баллға дейін жетуі мүмкін сейсмикалық қауіпті жерлер бар. Әсіресе, Алматы облысы бұл жағынан Орталық Азиядағы өте қауіпті аймақта орналасқан. Бұрын бұл жерде күшті жойқын жер сілкінісі бірнеше рет болған. Мәселен, 1887 жылғы Верный жер сілкінісін және 1911 жылғы Кемин жер сілкінісін айтуға болады, – деді ол.