Түркістан, Кентау қалаларындағы көшелерді су басты

Бұл туралы ҚР ТЖМ мәлімдеді, деп хабарлайды Устинка LIVE тілшісі.

2 ақпанда сағат 08.00-ден бастап таулы аудандарда қардың еруі және жауын-шашынның көп түсуіне байланысты су деңгейі көтеріліп, нәтижесінде Кентау және Түркістан қалаларында және Бәйдібек, Ордабасы және Сауран аудандарында аула аумақтары мен көшелер су астында қалды, - делінген хабарламада.

ТЖД күштерімен үйлерді су басуға жол бермеу мақсатында және жаңбыр суын сору бойынша жұмыстар жүргізілуде.

50-ден астам құтқарушы жұмылдырылған, 10 бірлік техника және 20 мотопомпа пайдаланылуда.

Зардап шеккендер жоқ. Сондай-ақ, су үйлерді басқан жоқ, тек аулаларға жайылған. Жергілікті атқарушы органдар және ТЖД жеке құрамының күштері мотопомпалармен су сору, суды қауіпсіз аймаққа айдау жұмыстарын жүргізуде, - деді Түркістан облыстық ТЖД бастығының орынбасары Ерік Сарыбаев.