Қазақстан Tik-Tok-тағы ойын салдарынан оқушы өзіне қол салғаны рас па?
Қазақстандықтар арасында осындай мәлімдеме жасаған ер адамның аудиожазбасы WhatsApp арқылы кең тарап жатыр
Дауыстық хабарлама авторы 13 жасар қызы суицид жасағанын, ол мұндай қадамға Tik-Tok әлеуметтік желісіндегі ойыннан кейін барғанын айтады. Мән-жайды Stopfake.kz анықтаған екен.
Ер адамның айтуынша, қызы 12 қаңтарда өз-өзіне қол салған. Дәл сол күні Таразда тұратын тағы екі бала Tik-Tok-тағы ойын кесірінен өмірін үзген.
12-сі күні 13 жасар қызымды жоғалтып алдым. Әйеліммен үйге келгенде қызымызды баспалдақта асылып тұрған күйінде таптық. Балалардың телефонын тексеріп тұрыңыздар, өтінемін. Мұның барлығы телефоннан екен. TikTok-та бір ойын бар, онда турлардан өтеді. Алдымен, ұстараның жүзімен тамырын кеседі, кейін асылып өледі, - дейді аудиожазбадағы ер адам.
Қазақстанның Ішкі істер министрлігі бұл ақпарат жалған екенін айтады.
Бұл ақпарат расталған жоқ, – деп хабарлады ведомствоның баспасөз қызметінен.