Қазақстан Бүгін бірнеше министр қызметінен босатылды
Жаңа жылдан кейінгі алғашқы жұмыс күні Мемлекет басшысының Жарлығымен Үкіметте бірқатар министрлер жұмысынан босатылды
Олардың орнына жаңа министрлер тағайындалды, деп хабарлайды Устинка LIVE тілшісі Ақордаға сілтеме жасап.
Мемлекет басшысының Жарлығымен Ғалымжан Тельманұлы Қойшыбаев Қазақстан Республикасы Премьер-Министрінің орынбасары – Үкімет Аппаратының Басшысы лауазымына тағайындалды.
Ал Серікқали Брекешев ҚР Экология, геология және табиғи ресурстар министрі лауазымынан босатылып, оның орнына Зүлфия Сүлейменова тағайындалды.
Сондай-ақ, Асхат Аймағамбетов қызметінен босатылып, Оқу-ағарту министрі лауазымына Ғани Бейсембаев тағайындалды.
Қайырбек Өскенбаев ҚР Индустрия және инфрақұрылымдық даму министрі лауазымынан босатылып, Марат Қарабаев министр болып тағайындалды.
Дәурен Абаев Мәдениет және спорт министрі лауазымынан босатылды. Асхат Оралов Мәдениет және спорт министрі лауазымына тағайындалды.
Сондай-ақ, Мемлекет басшысының Жарлығымен Азамат Есқараев ҚР Әділет министрі лауазымына тағайындалды.
