ҚР-да қанша адамнан КВИ анықталды?

Бұл туралы Денсаулық сақтау министрлігін жариялады, деп хабарлайды Устинка LIVE сайты.

26 желтоқсандағы мәлімет бойынша, 2663 адам коронавирус инфекциясынан (-2521 + және 142 КВИ-) емделуде, олардың ішінде 350 пациент стационарда, 2313 науқас амбулаториялық деңгейде ем қабылдауда.

КВИ+, КВИ- шалдыққандардың арасында:

• 11 адамның жағдайы ауыр
• 6 пациенттің жағдайы өте ауыр
• 2 науқас ӨЖЖ аппаратында жатыр

Осы орайда айта кетейік, осы індет алғаш тараған Қытай қазіргі уақытта коронавирус бойынша күнделікті статистиканы жаряилауды доғарған.

Қытай Халық Республикасының Ұлттық денсаулық сақтау комиссиясы жексенбіден бастап COVID-19 індеті туралы күнделікті ақпаратты жарияламайды, деп хабарлады ҚазАқпарат. Тиісті ақпаратты Қытайдың ауруларды бақылау және алдын алу орталығы анықтама және зерттеу үшін шығарады. Бұл туралы комитеттің сайтында жарияланған хабарламада айтылған.

Комиссия мұндай ақпараттың қаншалықты жиі шығарылатынын нақтыламады. Бұл қадамның себептері де айтылмады.

Deutsche Welle хабарлауынша, Ауруларды бақылау және алдын алу орталықтары бір күн бұрын материктік Қытайда коронавирустық өлім тіркелмегенін мәлімдеді.

Коронавирустың омикрондық нұсқасы қазір Қытайда өршіп тұр. Осыған қарамастан, ҚХР үкіметі ковидке нөлдік төзімділік саясатынан бас тартты және халықты тестілеудің қатаң ережелері мен саяхатқа шектеулерді алып тастады. Көптеген қытайлықтар бұл қадамды құптады.

Бір күн бұрын Қытайда бейресми ішкі есептеріне сәйкес, желтоқсанның алғашқы үш аптасында 248 миллион адам немесе ел халқының 18%-ы ауру жұқтырған.