Демалыс күндері ауа райы қандай болмақ?

Метеорологтардың мәліметінше, алдағы үш күнде Қазақстанның басым бөлігі жоғары атмосфералық қысымның ықпалында болғандықтан, жауын-шашынсыз ауа райы күтіледі, деп хабарлайды Устинка LIVE тілшісі.

Еліміздің солтүстік және шығыс аймақтары ғана Атлант циклонының әсерінен қарлы, боранды болады.

24 желтоқсанда күндіз республиканың солтүстігінде көктайғақ болады. Республиканың оңтүстігі мен оңтүстік-шығысында тұман түседі.

Демалыс күндері ауа температурасы аздап төмендейді. Батыста түнде -3-8 градустан -8-13 градусқа дейін аяз, Қазақстанның солтүстігінде, солтүстік-батысында және орталығында -5-13 градустан -10-25 градусқа дейін аяз, шығыста -15-23 градус аяздан -10-18 градус аязға дейін ауытқиды, оңтүстікте және оңтүстік-шығыста біртіндеп 5-25 градустан 0-15 градус аязға дейін көтеріледі.