Қазақстан ҚР-да 300-ге жуық жетім бала неге жәрдемақысын алмады?
Мемлекеттің ата-ана қамқорлығынсыз қалған балаларға жалпы сомасы 2,5 млн теңге берешегі болған
Бұл Балалардың құқықтарын қорғау комитетінің тексерісінен кейін белгілі болған, деп хабарлайды Устинка LIVE тілшісі.
Ведомство өкілдерінің мәліметінше, 300-ге жуық бала жалпы сомасы 2,5 млн теңгеден астам жәрдемақы алмаған. Балалардың құқықтарын қорғау комитетінің тексерісінен кейін кәмелетке толмағандарға төленбеген жәрдемақы қайтарылды.
Бұл мәселе әкімдіктердің құзырына жатады. Бірақ біздің комитет жағдайды бақылауда ұстап отыр. Тәртіп пен заңдылықты қалпына келтіру – біздің басты міндетіміз. 2022 жылдың 1 сәуірінен бастап жәрдемақы мен басқа да әлеуметтік төлемдерді есептеу үшін АЕК 3 063 теңгеден 3 180 теңгеге дейін өскенмен, жәрдемақы ескі АЕК бойынша төленіп келген. Жәрдемақы мөлшерінің айырмашылығы қамқоршылардың шоттарына жіберілді. Осылайша жетім балалардың құқығы қорғалды, – деді Балалардың құқықтарын қорғау комитетінің төрағасы Насымжан Оспанова.