Енді жер бөліп беруде шаруашылықтар емес, ауыл тұрғындарына басымдылық берілмек

Алдағы уақытта жерді бөліп берудің жаңа тетігі жасалмақ. Бұл туралы мемлекет басшысы бүгінгі Үкіметтің кеңейтілген отырыснда айтты.

Жер – ауылдағы тұрғындардың негізгі табыс көзі. Менің тапсырмаммен 5,2 миллион гектарға жуық ауыл шаруашылығы жері мемлекет меншігіне қайтарылды. Бұл – негізінен, жайылымдық жерлер, - деді ҚР Президенті Қасым-Жомарт Тоқаев. - Енді Үкімет облыс әкімдіктерімен бірлесіп, жерді бөліп-тарату үшін мониторинг картасын әзірлеуге тиіс.

Президенттің айтуынша, жекелеген шаруашылықтардың емес, ауыл тұрғындарының мүддесі бірінші орында тұруға тиіс.