Қазақстан Екібастұз ЖЭО учаске бастығының денесі табылды
Қаладағы көлікжайлардың бірінде өз көлігінен ЖЭО қызметкерінің денесі табылған
Денесінде зорлық іздері болмаған, деп хабарлайды Устинка LIVE тілшісі Pavlodarnews.kz сілтеме жасап.
Алдын ала болжам бойынша, ер адам әйелімен болған жанжалдан соң гаражға кетіп, сондағы көлігін оталдырған. Кейін ол ұйықтап, газдан уланып қалған болуы мүмкін.
"Екібастұз жылу энергиясы" баспасөз қызметі қызметкердің қайтыс болғанын растады.
4 желтоқсан күні "Екібастұз жылу энергиясы" ЖШС-не полиция басқармасынан қаладағы гараждарының бірінен көлік ішінен Екібастұз ЖЭО қызметкерінің денесін тапқаны туралы қоңырау түсті. Деректерді тексеру кезінде олар бұл шынымен орталық қызметкері екенін анықтады, - делінген мәлімдемеде.
Ал Павлодар облыстық полиция департаментінің мәліметінше, бұл факт қалалық басқармада тіркелген, қазір тексеру жүргізілуде.
