Қазақстан Қарағанды шахтасындағы 5 адамның өліміне қатысты тексеріс аяқталды
Шахтинск қаласы Ленин атындағы шахтаны тексерген комиссия қайғылы жағдайға жұмыс беруші кінәлі екенін анықтады
Арнайы тергеудің қорытындысын мәлімдеген Төтенше жағдайлар министрі Юрий Ильин апатқа не себеп болғанын атап өтті, деп хабарлайды Устинка LIVE тілшісі.
Ленин атындағы шахтадағы апатқа метан мен көмір шаңының көп шоғырлануы себеп болған. Соның салдарынан тұтану туындаған.
Тергеу барысында көмір департаментінің, Ленин атындағы шахтаның инженерлік-техникалық қызметкерлері тарапынан тиісті бақылаудың жоқтығы анықталды. Шығарындылар қауіпті учаскенің болжау қызметінің штаты тау-кен шеберлерімен қамтылмаған, іс жүзінде 13 адам болған, ал есеп бойынша 25 адам болуы тиіс. Сондай-ақ, аэрогазбақылау қызметінің штаты да қамтылмаған. 16 электрослесарь болған, негізі 25 болуы керек, - деп атап өтті Юрий Ильин.
Комиссия заң бұзушылыққа жол берген 26 адамды анықтаған. Олардың қатарында "АрселорМиттал Теміртау" компаниясының бас директоры Бижу Наир мен Көмір департаментінің директоры Гельсон Батиста бар.
Арнайы тергеу материалдары полицияға тапсырылады. Соңғы процессуалдық шешім сотқа дейінгі тергеп-тексеру аяқталғаннан кейін қабылданады, - деп баса айтты министр.
