Қазақстан Жәнібек Әлімханұлының жекпе-жегін тікелей эфирден көрсетеді
Қазақстандық әлем чемпионы Жәнібек Әлімханұлы жақында британиялық боксшымен жұдырықтасады
WBO нұсқасы бойынша орта салмақтағы әлем чемпионы Жәнібек Әлімханұлының (12-0, 8КО) британиялық Дензел Бентлиге (17-1-1, 14КО) қарсы жекпе-жегін қазақстандықтар тікелей эфирден көре алады, деп хабарлады Устинка LIVE әлеуметтік желідегі «Қазақстанның кәсіпқой боксы» парақшасына сілтеме жасап.
Әлімханұлы – Бентли айқасы жексенбі, 13 қараша күні таңертең өтеді. Тікелей көрсетілім "Хабар" арнасында астана уақытымен сағат 08.00-де басталады, - делінген Instagram-дағы "Қазақстанның кәсіпқой боксы" парақшасында.
