Қазақстан Интернет дұрыс жұмыс істемесе, қайда шағымдануға болады?
ҚР-да байланыс операторлары сапасыз интернет үшін 271 млн теңге айыппұл төлеген
Бұл туралы ҚР Цифрлық даму, инновациялар және аэроғарыш өнеркәсібі вице-министрі Әсет Тұрысов мәлім етті, деп хабарлайды Устинка LIVE тілшісі ҚазАқпаратқа сілтеме жасап.
Интернеттің сапасына қатысты біздің министрлік байланыс операторларының жауапкершілігін күшейту жұмысын жүргізіп жатыр. Мендегі бар ақпарат бойынша шамамен 271 миллион теңге айыппұл төленді. Заңнамаға тиісті өзгерістер енгізілді, - деп мәлімдеді Әсет Тұрысов.
Сонымен қатар, байланыс сапасының параметрлері бекітілді.
Интернет сапасына қатысты мәселе туындаса "Е-өтініш" жүйесі арқылы біздің министрліктің байланыс комитетіне жүгінуге болады. Содан соң біздің маман тексереді. Егер интернеттің сапасыздығы расталса, онда тиісті айыппұл салынады. Бүгінгі таңда операторлармен осындай жұмыс жүргізілуде, - деді вице-министр.
Оның айтуынша, байланыс операторларының жұмысына қатысты қатаң шаралар қабылданды.