Қазақстан Елімізде садақ атудан тұңғыш рет чемпионат өтті
Маңғыстау облысында өткен тұңғыш республикалық чемпионатқа Қазақстанның барлық өңірінен 170-ке жуық спортшы қатысқан
Чемпионат жасөспірімдер (7-17 жас аралығы), жастар (18-24) және ересектер (+24) арасында өтті. Ерлер мен әйелдер категориясы бөлек, деп хабарлайды Устинка LIVE тілшісі atameken.business-ке сілтеме жасап.
Садақшылар 10 метрден 75 метрге дейінгі қашықтыққа арналған Олимп, Жамбы, Пута, Қырғыз (Орта Азия), Қазақ (Жамбы) деген нысана түрлері бойынша мергендік шеберліктерін сынасты.
Жалпы командалық есепте бірінші орынды Шымкент қаласының құрамасы еншілеп, 1 млн теңге көлемінде жүлдеақы алды. Екінші және үшінші орындарды Абай және Жетісу облыстарының командалары алды.
Жеке есепте әрбір форматта бір-бір жеңімпаздан анықталып, әрқайсысы 100 000 теңге көлемінде жүлдеақыға қол жеткізді. Тұңғыш ұйымдастырылып отырған республикалық чемпионаттың жалпы жүлде қоры 9 750 000 теңгені құрады.