Қазақстан РФ Президенті Владимир Путин Қазақстанға келді
Ресей Федерациясының Президенті Владимир Путин бірқатар халықаралық іс-шараға қатысу үшін Астана қаласына келді
Фото:
t.me/KZgovernment
Ресей президентін елорда әуежайында ҚР Премьер-Министрі Әлихан Смайылов қарсы алды, деп хабарлады ҚР Үкіметінің баспасөз қызметі.
Владимир Путин Азиядағы өзара іс-қимыл және сенім шаралары жөніндегі кеңестің VI саммитіне қатысады. 11 мемлекет басшысы бас қосатын саммит АӨСШК құру туралы бастаманың 30 жылдығына орайластырылған.
Сонымен қатар, РФ Президенті ТМД мемлекеттері басшылары кеңесінің отырысына және "Орталық Азия – Ресей" саммитіне қатысады деп күтіліп отыр.
