Қазақстан Қайрат Сатыбалды жазасын ШҚО-дағы колонияда өтейтін болды
Осыдан екі апта бұрын Астана қаласы Байқоңыр ауданының №2 соты Қайрат Сатыбалдыны алты жылға бас бостандығынан айырған болатын
Белгілі болғандай ол жазасын ШҚО-дағы колониядан өтейді. Бұл туралы ҚР ІІМ ТЖК баспасөз қызметі мәлімдеді, деп хабарлайды Устинка LIVE тілшісі «Адырна» ұлттық порталына сілтеме жасап.
Үкім жарияланғаннан кейін 15 күн ішінде сотталушы немесе оның қорғаушылары сот шешіміне шағымданбаса, ол Шығыс Қазақстанда орналасқан ОВ-156/20 колониясына ауыстырылады. Бұл мекеме арнаулы және құқық қорғау органдарының бұрынғы қызметкерлеріне арналған. ОВ-156/20 қылмыстық-атқару жүйесінің орташа қауіпсіздіктегі мекемесі. Сотталған адам апелляциялық шағым түсірсе, оны қарау мерзіміне дейін тергеу изоляторында қалады, - делінген хабарламада.
Естеріңізге сала кетейік, Қайрат Сатыбалды және басқа да тұлғаларға "Қазақтелеком" АҚ мен "Көліктік сервис орталығы" АҚ қаражатын аса ірі көлемде ұрлады деген айып тағылған.
