Кезектен тыс президент сайлауы күзде өтуі мүмкін
ҚР Президенті Қасым-Жомарт Тоқаев бүгінгі Жолдауында кезектен тыс президент сайлауын өткізуді ұсынды
![Новости Казахстана / Кезектен тыс президент сайлауы күзде өтуі мүмкін Новости Казахстана / Кезектен тыс президент сайлауы күзде өтуі мүмкін](/upload/iblock/fe9/7phciyqrb3mdjrc4stsasxfvmt6zdung/imgonline_com_ua_Resize_w741EEbagED0fK8.jpg)
Президент мандатын ұзақтығы 7 жылдық бір мерзіммен шектеп, қайта сайлануға тыйым салынбақ, деп хабарлайды Устинка LIVE тілшісі.
Саяси реформалар "Күшті Президент – ықпалды Парламент – есеп беретін Үкімет" формуласымен жүзеге асырылып жатыр. Бұл тұжырым – қоғамымыздың мызғымас тұғыры.
Реформалардың мазмұны жан-жақты толыға бермек. Жалпыұлттық ынтымақты және билік пен қоғамның серіктестігін нығайта береміз.
"Халық үніне құлақ асатын мемлекет" қағидасын ұстану аса маңызды. Біз қоғамға іріткі салуды емес, елді ізгі мақсатқа жұмылдыруды ойлауымыз керек. Әділетті Қазақстан идеясының түпкі мәні – осы.
Біздің алдымызда айрықша міндет тұр. Бұл – еліміздің егемендігін және жеріміздің тұтастығын сақтап қалу. Елдігімізді қорғаудың ең басты жолы – берекелі бірлік. Бұдан басқа жол жоқ.
Әділетті Қазақстанды құру жолында түбегейлі және жан-жақты реформаларды табысты жүзеге асыру үшін халықтың жаңа сенім мандаты қажет. Мен үшін мемлекет мүддесі бәрінен биік. Сондықтан мен өкілеттік мерзімімді қысқартуға және кезектен тыс Президент сайлауына баруға дайынмын. Сондай-ақ, мен көп ойланып, Президент өкілеттігі мерзімдерінің санын және ұзақтығын қайта қарау қажет деген байламға келдім. Президент мандатын ұзақтығы 7 жылдық бір мерзіммен шектеуді ұсынамын. Бірақ қайта сайлануға тыйым салынады, - деді Президент.