Қазақстан Енді дизель бағасы тұрғылықты жеріне, тұтыну көлеміне және көлік түріне қарай сараланады
Қазіргі таңда Энергетика министрлігі резиденттікке, тұтыну көлеміне және көлік түріне байланысты дизель отынына бағаларды саралау бойынша бұйрық жобасын әзірлеуде
Бұл туралы энергетика министрлігінің басшысы Болат Ақшолақов Орталық коммуникациялар қызметінде мәлімдеді, деп хабарлайды Устинка LIVE тілшісі.
Шекара қызметінің деректері бойынша Қазақстанға күніне 4,4 мыңға жуық жүк көлігі кіретінін, оның ішінде 70%-ы шетелдік көлік екен.
Қазақстандағы жанар-жағармай құю станцияларындағы төмен бағалар орташа айлық тұтынудың шамамен 120 мың тоннаға өсуіне алып келеді.
Ақшолақовтың айтуынша, министрлікке транзиттік көліктер мен шекара периметрі бойынша сараланған бағаларды әзірлеу арқылы дизель отыны тапшылығын болдырмау міндеті жүктелген.
Қазіргі уақытта министрлік дизель отынының сараланған бағасына байланысты бұйрық жобасын әзірледі. Бағалар тұрғылықты жеріне, тұтыну көлеміне және көлік түріне қарай сараланады. Бұл жұмыс мүдделі мемлекеттік органдармен және тараптармен жалғасады, - деді энергетика министрі Болат Ақшолақов.
