Қазақстан Банкке берешегі бар қазақстандықтарға енді несие берілмейді
Мемлекет басшысы заңға осындай өзгерістер енгізу уралы бұйрыққа қол қойды
Қасым-Жомарт Тоқаев "Қазақстан Республикасының кейбір заңнамалық актілеріне сақтандыру нарығын және бағалы қағаздар нарығын реттеу мен дамыту, банк қызметі мәселелері бойынша өзгерістер мен толықтырулар енгізу туралы" Қазақстан Республикасының Заңына қол қойды, деп хабарлайды Ақорда сайты.
Қабылданған заңға сәйкес, басында несиесі бар қазақстандықтар қайта қарыз ала алмайды. Сондай-ақ, Несие бюросына берілген қарыз жайлы ақпаратты жеткізу уақыты 15 жұмыс күнінен 1 жұмыс күніне дейін қысқарады. Микрокредит бойынша сыйақының шекті мөлшері мен айыпақы көлемі шектеледі.
Мұндай қадам қазақстандықтардың несиелік жүктемесін азайту үшін жасалынып отыр.
Микрокредиттің ұйымдарға қарыз азаматтардың жүктемесін қысқарту үшін микрокредит бойынша артық төлемді екі есеге - микронесие соммасынан 100-ден 50 пайызға қысқарту ұсынылады, - деді ҚР Қаржы нарығын реттеу және дамыту агенттігінің төрайымы Мәдина Әбілқасымова.