Қазақстан Желтоқсан айы Қазақстанда соңғы 30 жылда ең жылы ай болды
"Қазгидромет" РМК деректері бойынша, мұндай ауа райына Иран мен Орта Азия аудандарынан жылы ауа массаларының жиі жетуі себеп болды
2021 жылдың желтоқсаны Қазақстанның барлық аумағында жылы болды, оңтүстік-батыс жартысында тіпті көктемдегідей жоғары температура байқалды, деп хабарлады синоптиктер.
Сонымен, айдың басында күндізгі ауа температурасы батыс аймақтарда +6 градусқа дейін, оңтүстік-батыс және оңтүстік аймақтарда +12+25,7 градусқа дейін көтерілді.
2 желтоқсанда Шымкент (Түркістан облысы) метеостанциясында +25,7 тіркелді, бұл рекордтық көрсеткіш болды. Соңғы рет ауаның максималды температурасы 1987 жылы 24 Желтоқсанда (+25,4°с) байқалды. Сондай-ақ, Маңғыстау облысында Аққұдық метеостанциясында да рекордтық көрсеткіштер болды - 1 желтоқсанда ауа температурасы +22,6 градусқа дейін көтерілді, соңғы рет абсолюттік максимум 1981 жылы 16 желтоқсанда (+22,0°с) байқалды.
Солтүстік және шығыс өңірлерде күндіз ауа температурасы +2+5 дейін, елдің оңтүстік-шығысында +13 дейін көтерілді. Алайда бірінші онкүндіктің соңында және айдың үшінші онкүндігінде, негізінен республиканың солтүстік жартысында, суық антициклонның енуімен, түнгі және күндізгі сағаттардағы ауа температурасы айтарлықтай төмендеді: түнде-22-32 дейін, күндіз-17-25 дейін.
Осылайша, Қазақстанның барлық аумағында ауа температурасы нормадан 1-6 градусқа жоғары болды, тек елдің шеткі шығысы мен оңтүстік-шығысында климаттық нормаға жақын.
Республиканың басым бөлігінде жауын-шашын мөлшері нормадан 1,3-2,9 есе, Батыс Қазақстан, Павлодар, Шығыс Қазақстан, Қостанай облысының солтүстігі мен оңтүстігінде, Алматы облысының солтүстігінде, Қарағанды облысының оңтүстігінде, орталығы мен шығысында және Атырау, Қызылорда облыстарының жекелеген аудандарында нормадан 1,3-2,9 есе көп болды.