Қазақстан "Қазқұтқару-2021" жарысының қорытындысы жарияланды
Алматы облысының Тамғалы Тас шатқалында орналасқан "Жартасты қала – Астана" оқу-жаттығу полигонында "Қазқұтқару-2021" құтқару көпсайысы және әскери-құтқару үшсайысы бойынша жарыстар аяқталды
Жарысқа Қазақстан, Өзбекстан және Қырғызстан ТЖМ бөлімшелері және Қазақстан Республикасы Азаматтық қорғаныс әскери бөлімдерінің әскери қызметші - құтқарушыларының командалары қатысты.
Төрешілер қатарында ШҚО ТЖД Жедел-құтқару жасағының мамандары да болды.
Табиғи және техногендік сипаттағы төтенше жағдайларға тән табиғи және жасанды кедергілерден тұратын қашықтықтан өтуді бас төрешілер алқасы жүзеге асырды. Жарыс іздестіру-құтқару және авариялық жұмыстардың дағдыларын жетілдіру, авариялық-құтқару құралдары мен техникасын пайдаланудың озық әдістерін меңгеру, іздестіру-құтқару жұмыстарын жүргізу тәжірибесімен алмасу, кәсіби даярлықты жетілдіру және жарысқа қатысушылардың дене дайындығын тексеру үшін өткізілді, - деп хабарлады ШҚО ТЖД Жедел-құтқару жасағының басшысы Игорь Лапенлавский.
Жарыс "техногенді апаттар жағдайында іздестіру-құтқару жұмыстары", "акваториядағы іздестіру-құтқару жұмыстары", "табиғи орта жағдайында іздестіру-құтқару жұмыстары" сынды үш кезеңді қамтыды.
Жарыс қорытындысы бойынша 1-орынды ҚР ТЖМ Республикалық жедел-құтқару жасағының кәсіпқойлары, 2-орынды Орал қаласынан келген әріптестер, 3-орынды Өзбекстаннан келген құтқарушылар және 4-орынды қырғыз құтқарушылары иеленді.
