Қазақстанда алдағы күндері жаңбыр жауады

Орталығы Сібірдің батысында орналасқан циклон және онымен байланысты фронтальды бөлімдер Қазақстанның Солтүстік, Орталық, Шығыс және Оңтүстік-Шығыс аймақтарына әсер етеді, деп хабарлайды Устинка LIVE тілшісі. Жаңбыр жауады, әсіресе елдің Солтүстігінде, Орталығында және Шығысында. Сондай-ақ, найзағай, бұршақ және екпінді жел болжанады.

- Бұл өңірлерде температуралық фон түнде 8-15, күндіз 17-22 градусқа дейін төмендейді, - деп хабарлады "Қазгидромет" РМК синоптиктері тамыздың 10-нан 12-не дейінгі ауа райы болжамында. - Республиканың қалған аумағында кең антициклон құрғақ және шуақты ауа-райын қамтамасыз етеді, республиканың батысы мен оңтүстік-батысында 45 градусқа дейін қатты ыстық күтіледі.