Орталық саябақта болған төбелес оқиғасынан кейін Қарағандының үш шенеунігі жазаланды

Қарағанды облысының әкімі Жеңіс Қасымбек балаларды қорғау күні Қарағандының Орталық саябағында карантиндік нормаларды бұзғаны үшін шенеуніктерге сөгіс жариялады, деп хабарлайды Устинка LIVE тілшісі.

Облыс әкімдігі баспасөз қызметінің мәліметінше, 1 маусым күні саябақ басшылығы тәртіп үшін жауапты мемлекеттік қызметкерлермен бірлесе отырып, барлық санитарлық-эпидемиологиялық талаптарды сақтай отырып, мерекенің ұйымдастырылуын бақылауы тиіс болатын. Олар тапсырманы орындай алмады, өйткені саябақта көптеген қала тұрғындары жиналды. Сонымен қатар, тегін аттракционға кезекте келушілер арасында төбелес басталды, ол туралы біз бұрын жазған болатынбыз.

- Қарағанды әкімінің екі орынбасары-Нұрлан Бикенов пен Халел Әкімжановқа, сондай-ақ мәдениет бөлімінің басшысы Баян Нұртаеваға сөгіс жарияланды. Саябақ басшылығынан Мәдина Әшірова жұмыстан босатылады, - деп хабарлады Қарағанды облысының әкімдігі.