Екпе алғандардың жедел өлімі туралы дәрігердің атынан хабарлама жіберілуде

Фактчекерлер жалпы аудио жазба қоғамда тағы бір рет қастандық теорияларын таратуға арналған өтірік пен жалған ақпарат екенін айтты.

WhatsApp-та аудио хабарлама таратылады, оның авторы клиникалардың бірінің бас дәрігері болып көрінеді және COVID-19 вакцинацияланған адамдардың "жедел өлімін" болжайды. ҚР Денсаулық сақтау министрлігі дәрігердің мұндай мәлімдемеге қатысы барын жоққа шығарды, деп хабарлайды Stopfake.kz сайты.

Жалған хабарламаның авторы 2021 жылдың күзінде КВИ-ге қарсы егілген адамдар жаппай өле бастайды деп мәлімдейді. Ол қазақстандықтарды медицина қызметкерлерінің ұсыныстарын тыңдамауға және коронавирусқа қарсы вакцинацияланбауға шақырады. Бұл ретте жазба авторы Қандағаш қаласындағы "Шапағат" клиникасының бас дәрігері, хирург, қауымдастырылған РАМ профессорі Аманжол Шунғұлұлы Адаев екенін мәлімдейді.

- "Шапағат" клиникасының бас дәрігері құқық қорғау органдарына оның атынан вакцинациядан бас тарту туралы аудиожазбаны тарату фактісі бойынша, сондай-ақ ар-намысы мен абыройын қорғау үшін сот органдарына жүгінді, - деп хабарлады Денсаулық сақтау министрлігі.

Аманжол Адаев жауап хат жазып, керісінше, вакцинацияны қолдайтынын мәлімдеді. Ол жалған жазбадағы дауыс оған ұқсамайтынын айтады.