Ораза айт намазы қалай оқылатынын айтты

Қазақстан мұсылмандары діни басқармасы коронавирустың таралуымен күресу үшін қажетті қауіпсіздік шараларын ескере отырып, биыл Айт намазын өткізу ережелерін жариялады, деп хабарлайды Устинка LIVE тілшісі.

Ең бастысы мешітке келуші мұсылман жамағатын төмендегі сақтық шараларға мән беруге шақырады:

 - Бетперде (маска) киіп келу;

- Үйден дәрет алып келу;

- Намаздан соң қол беріп амандаспау;

- Намаздан кейін көп кідірмей үйге қайту;

- Жамағатпен оқылатын намазға балиғатқа толмаған балаларды алып келмеу;
- Науқастар мен әйелдердің айт намазына қатыспағаны абзал.

Барша мұсылман қауымын осы жағдайларға түсіністікпен қарауға шақырады.
Жұқпалы індетті таратпау үшін әр азамат өзінің отбасы, қоғам алдындағы жауапкершілігін терең сезініп, санитарлық талаптар мен мешіт тәртібіне бағынуы қажет.