Наурыз-сәуір айларында өткізілген ҰБТ сынағында 500 заң бұзушылық тіркелген

Ұлттық тестілеу орталығының басшысы Дидар Смағұлов ҰБТ кезіндегі кең тараған көшіру әдістерін айтты, деп хабарлайды Sputnik Қазақстан сайты. 

2021 жылы сынақ емтихандары кезінде барлығы 500 заң бұзушылық тіркеліп,  көбінің сынақ нәтижелері  жойылған.

Смағұловтың айтуынша, түлектер көбіне мобильді құрылғыларды пайдаланады. Екінші жиі кездесетін бұзушылық - шпаргалкаларды пайдалану. Содан кейінгі сыбырласу және бір-біріне қарау. Ұлттық орталық басшысы кез келген тілдесу, тіпті ымдап сөйлесу бұзушылық болып саналатынын атап өтті. 

Тестілеу 6 мамырда басталады. Ол электронды форматта өтеді. ҰБТ тапсырғаннан кейін түлектер мектеп бітіргендігі туралы куәлікке ие болады және жоғары оқу орнына түсе алады.