Қазақстанда азық-түлік бағасы жыл басынан бері 4%-ға қымбаттаған

Қазақстандағы инфляция 2021 жылдың сәуірінде 0,9% құрады, жыл басынан бері – 2,7% болды, деп хабарлады Ұлттық статистика бюросы.

Азық-түлік тауарларының бағасы сәуірде 1%-ға өсті (жыл басынан бергі өсім деңгейі 4,1%), азық-түлік емес тауарларға - 1% (2,5%), ақылы қызметтерге - 0,5% (1,3%) қосылды.

Қызылша - 17,1%-ға, картоп - 12%-ға, сәбіз - 10,5%-ға, күнбағыс майы - 2,7%-ға, қант - 2,5%-ға, тауық сирағы - 2,3%-ға, жаңа піскен жемістер - 2%-ға, қой еті - 1,7%-ға, ет өнімдері - 1,2%-ға, жарма - 1%-ға, макарон, шай, пастерленген сүт - әрқайсысы 0,8%-ға, ұн - 0,7%-ға, сиыр еті – 0,6%-ға қымбаттаған. Минералды және ауыз су бағасы - 2%-ға, алкогольсіз сусындар - 0,9%-ға, алкогольді сусындар – 0,7%-ға өскені байқалады.

Керісінше, қиярдың бағасы - 9,6%-ға, апельсин - 1,5%-ға, қызанақ – 1,1%-ға, күріш - 0,6%-ға арзандаған.

Тұрмыстық техника бағаларының өсуі 2% құрады, жеке заттар, шыны және керамикалық бұйымдар, құрылыс материалдары - әрқайсысы 0,7%, автомобильдер - 0,6%, тоқыма бұйымдары - 0,5%, жуғыш заттар мен тазартқыш құралдар, киім мен аяқ киім - әрқайсысы 0,4%. Бензин 6%, дизель отыны 0,9% қымбаттады.

Монша қызметтерінің бағалары - 1,9%, санаторийлер - 1,8%, балабақшалар - 1,2%, қоғамдық тамақтандыру - 1,1%, шаштараздар мен сұлулық салондары - 0,7%, Интернет тарифтері - 0,6%, қонақ үйлер - 0,5% қымбаттады. . Теміржол жолаушылар көлігімен жүру бағасы 0,8%, әуе көлігі - 0,9% өсті.

Тұрғын үй-коммуналдық шаруашылық саласында қоқысты жинауға арналған тарифтер 1,2% -ға өсті. Қазақстандағы инфляция 2020 жылы 7,5% құрады.