Қазақстанда жаңбыр жауып, күн суытады

Синоптиктер Қазақстанда алдағы үш тәулікке арналған ауа-райы болжамын ұсынды, деп хабарлайды Устинка LIVE тілшісі. Атмосфералық фронтальды бөліктердің өтуімен республиканың басым бөлігінде жауын-шашын жауып, жел күшейеді.

- Елдің орталығында, шығысында және оңтүстік-шығысында қатты жаңбыр, найзағай күтіледі, бұршақ жаууы мүмкін, - дейді "Қазгидромет" РМК мамандары.

Сондай-ақ, Скандинавия аудандарынан антициклонның келуімен Қазақстан аумағында ауа температурасы төмендейді деп күтілуде. Солтүстік жартысында түнде 3 градусқа дейін үсік жүреді, күндіз 10-15 градусқа дейін, оңтүстік жартысында түнде 7-15 градусқа дейін, күндіз 18-28 градусқа дейін жылы болады.