/ Әлем және Қазақстан

Синоптиктер наурыз айына арналған ауа райы болжамын жариялады

Еліміздің көптеген аймағына көктем белгіленген мерзімінде келіп жетеді
01 наурыз 2021 года, 12:53 18017 Алексей Сафонов
Новости Казахстана и регионов на сегодня. - Прогноз погоды в Казахстане на март и на ближайшие дни опубликовали синоптики
Ақпарат көзі: © Устинка LIVE Фото: © В.Иванов/Устинка LIVE
2021 жылғы наурызда Қазақстан Республикасының басым бөлігінде циклондардың өтуімен және Иран аудандарынан жылы ауа массаларының жылжуымен ауа температурасы жоғарылайды деп  күтіледі. Республиканың басым бөлігінде ауаның орташа айлық температурасы нормадан 1° жоғары, республиканың солтүстік-батыс бөлігінде қалыпты шамада болжанады, деп хабарлайды "Қазгидромет" РМК.

Бір ай бойы циклондар мен антициклондардың жиі ауысуына байланысты ауа температурасының күрт өзгеруі болжанады. Ауа температурасы 10° С және одан да көп болуы мүмкін.

Айдың басында белсенді циклондардың әсерінен республика бойынша ауа-райының тұрақсыз сипаты болжанады: жауын-шашын, елдің оңтүстік-шығыс бөлігінде қар аралас жаңбыр қатты жаууы мүмкін, жел күшейеді (солтүстік жартысында бұрқасынмен), тұман және көктайғақ құбылыстары күтіледі. Елдің оңтүстік жартысында жауын-шашын көбінесе жаңбыр түрінде, солтүстік жартысында аралас жауын-шашын (жаңбыр, қар) түрінде болжанады.

Бірінші онкүндік бойы Қазақстан аумағы бойынша ауа температурасының ауытқуы болжанады: елдің солтүстік жартысында күндіз әлсіз оң таңбалыдан теріс таңбалы мәндерге дейін, оңтүстік жартысында +10+15°С-тан 0,+7°С-қа дейін, елдің батысы мен солтүстік-батысында -3-10°С-тан -1+6°С-қа дейін ауытқиды деп күтіледі.

Бірінші және екінші онкүндіктің жекелеген күндері Скандинавия мен Сібір аудандарынан суық ауа массаларының әсерінен түнгі уақытта термометр бағаналары еліміздің солтүстік жартысында -13-25°С-қа дейін, оңтүстік жартысында -5-15°С-қа дейін төмендеуі күтіледі.

Айдың екінші жартысында Қазақстанның солтүстік, орталық және шығыс өңірлерінде жылу толқындарының әсерінен күндізгі ауа температурасы жекелеген күндері +3+10°С дейін; елдің оңтүстігі мен батысында +10+15°С дейін, үшінші онкүндікте +15+25°С дейін жоғарылайды. Жауын-шашын мөлшері нормадан көп, тек елдің оңтүстік-шығысында және оңтүстік-батысында норма шамасында (Қазақстанның басым бөлігінде норма: 10-25 мм, оңтүстік пен оңтүстік-шығыстың таулы аудандарында 55-103 мм дейін, шығыста 8-30 мм) болжанады.

Загрузка...

Тақырып бойынша жаңалықтар

Устинка Live хабарландыруларын алып тұрыңыз