Елімізде аз қамтылған отбасыларға 145 мың медициналық қобдиша тегін таратылатын болады

Қазақстанда COVID-19 таралу деңгейін төмендету мақсатында әлеуметтік көмекке зәру 145 мың отбасыға медициналық дәрі-дәрмек қобдишасы тегін таратылады, дейді Қазақстанның еңбек министрлігінің және халықты әлеуметтік қорғаудың баспасөз бөлімінде.

- Медициналық жинақтарды сатып алуға арналған қаражатты Азия Даму Банкінің гранты бөледі. Алғашқы медициналық көмек құралдарын сатып алу БҰҰДБ арқылы жүзеге асырылады деп жоспарлануда, - делінген сейсенбіде жарияланған Еңбек министрлігінің хабарламасында.

Қобдишадағы дәрі-дәрмектердің құрамын республиканың Денсаулық сақтау министрлігі анықтайды және оған термометрлер, маскалар, дезинфекциялаушы заттар және стероидты емес қабынуға қарсы препараттар кіреді.

- Бұл шара қаржылық тұрғыда қиын жағдайға тап болған, әлеуметтік көмек алатын отбасыларға әлеуметтік ауыртпалықты азайтуға мүмкіндік береді. Осылайша, ағымдағы жылдың маусым айына дейін аз қамтылған отбасыларға 145 мың дәрі-дәрмек қобдишасы жеткізіледі, - делінген баспасөз мәлімдемесінде.

Мемлекет басшысы Қасым-Жомарт Тоқаев аз қамтылған отбасыларға коронавирустық инфекцияның таралуын болдырмау мақсатында 2020 жылы 10 шілде күні дәрі-дәрмектермен және алғашқы медициналық қорғау құралдарымен қамтамасыз ету туралы нұсқау жариялады.