Халық санағы вакцинациядан бас тартқан адамдарды тіркеу үшін емес

Telegram мессенджерінде қазақстандықтар ковид вакцинасынан бас тартқандарды есептеу үшін халық санағы жүргізілетіні туралы теорияны белсенді түрде талқылап жатыр. Қолданушылар оларды мәжбүрлі түрде вакциналайды  деп болжауда, деп хабарлайды Stopfake.kz сайты.

Факт тексерушілері бұл ақпаратты жоққа шығарды. Олар халық санағын жоспарлау кезінде вакцинация туралы ақпарат болмағанын айтуда.

Алғашқы халық санағы 1999 жылы өтіп,  10 жыл сайын өтуі тиіс деп жоспарланған. 2019 жылы өткізілуі керек болатын келесі санақ пандемияға байланысты екі рет кейінге қалдырылды. Ақыры 2021 жылдың қазан айына жоспарланып отыр. Ол екі форматта өтеді. Біріншісі - 1-15 қазан аралығында өтетін sanaq.gov.kz мамандандырылған сайтындағы онлайн сауалнама. Екінші кезең - ақпаратты желіден тыс жинау.

- Бұл жолы елдің барлық азаматтарын тіркеу үшін сандық технологияларды қолдануды және анкеталардағы сұрақтар тізімін кеңейтуді шештік. Анкетаға елден көшу жоспарлары, балалардың туған күндері және басқа да қосымша мәліметтер енгізілді, - дейді мамандар.

Анкеталарда вакцинация туралы сұрақтар жоқ екендігі атап өтілген. Дерек тексерушілер ҚР Денсаулық сақтау министрлігінің ақпараты бойынша коронавирусқа қарсы вакцинация тек ерікті түрде жасалатынын еске салады.