Алдағы бірнеше күн бойы Қазақстандағы ауа райы қандай болмақ?

"Қазгидромет" синоптиктерінің мәліметінше, елде ауа райына циклон әсер етеді.

- Атлантикалық циклонның жырасы Қазақстан аумағы бойынша батыстан шығысқа қарай жылжи отырып, өзімен бірге жаңбыр мен қар түрінде жауын-шашын, көктайғақ, жаяу бұрқасын, желдің күшеюін, сондай-ақ солтүстік жартысында ауа температурасының көтерілуін әкеледі, - делінген хабарламада.

Одан бөлек, оңтүстік өңірлерде ауа райы жауын-шашынсыз, күн шуақты болатыны айтылды.