Этносаралық қатынастар саласындағы мәселелерді анықтап, шешуді тапсырды

ҚР Премьер-Министрінің орынбасары Ералы Тоғжанов еліміздің барлық өңірлерінде этносаралық ахуал проблемаларына жүйелі түрде далалық зерттеулер жүргізіп, тиісті шешімдер табатынын айтты

Қазақстан Премьер-Министрінің орынбасары Ералы Тоғжанов республиканың Ақпарат және қоғамдық даму министрлігіне (АҚДМ) әр өңірдегі этносаралық қатынастар саласындағы проблемаларды қажетті шешімдерді әзірлеу үшін анықтауды тапсырды.

- Этносаралық салада практикалық шараларды іске асыруды күшейту қажет. Ол үшін этносаралық қатынастарға теріс әсер етуі мүмкін өңірлер бөлінісінде, тіпті, әрбір ауылға дейінгі проблемалық мәселелерді айқындау қажет, - деді Тоғжанов жұма күні АҚДМ алқа отырысында сөйлеген сөзінде.

Сонымен қатар, Тоғжанов "Қазақстан Тәуелсіздігінің 30 жылдығы аясында "Тәуелсіздік ұрпағы" ұлттық жобасын әзірлеу қажет" деп атап өтті.

- Ол бойынша да бүгін нақты ұсыныс бар, біз онымен жұмыс істейміз. Ұлттық жоба аясында қазақстандық жастардың өзекті мәселелерін шешудің нақты жолдары қарастырылған, - деді вице-премьер.

Сонымен қатар, ол бизнесті қайырымдылыққа қатысуға ынталандырудың жаңа жолдарын әзірлеу қажеттігін айтты.

- Пандемия қайырымдылық мәселелері бойынша әзірленіп жатқан заң жобасы аясында адамдар арасындағы өзара көмекті дамытудың маңыздылығын көрсетті. Бизнесті қайырымдылық бағдарламаларына қатысуға ынталандыру бойынша жаңа жолдарды қарастыру қажет, - деп атап өтті Тоғжанов.