Алматы облысында браконьер 3 миллион теңгеге көксерке аулаған

Ер адамды Балқаш көлінің жағасында Сарқан ауданының полицейлері мен Алматы облысының аумақтық балық шаруашылығы инспекциясының қызметкерлері ұстады. Ұсталған азаматтың көлігінен шет елге импортталатын балық тұқымдарының бірі - 600 кг жуық көксерке табылып, тәркіленді. Мемлекетке келтірілген залал 2 миллион 897 мың 018 теңгені (шамамен 7 мың АҚШ доллары) құрады.

- Заңсыз балық аулау Қытайдың тыйым салынған моноволокондық желісінде жүзеге асырылды. Тәркіленген балық арнайы қабылдау пунктіне тапсырылды, ал алынған табыс мемлекеттік қазынаға аударылады, - деп хабарлады полицияда.

Сондай-ақ, ведомство қылмыскерге қатысты ҚР ҚК 335-бабы "Балық ресурстарын заңсыз өндіру" бойынша қылмыстық іс қозғалғанын атап өтті. Заңнамаға сәйкес, күдіктіге үлкен айыппұл, түзету жұмыстары, үш жылға дейін бас бостандығынан айыру немесе бостандықтан айыру жазасы төніп тұр.