Қазақстанда дәрі-дәрмек контрабандасының жолы кесілді

Түркістан облысының ПД есірткі қылмысына қарсы күрес басқармасының қызметкерлері Сарыағаш ауданының тас жолында жүк көлігін тоқтатады. Фургоннан жалпы құны 34 милиион теңге болатын бисакодил, бисептол, кетонал, глицин, вольтарен секілді 250 қорап дәрі-дәрмек тәркіленген.

Жүргізушінің сөзіне мән берсек, Шымкент қаласының тұрғыны келіскен ақшаға  Сарығаш ауданынан Түркістан қаласына жүк жеткізіп беруін тапсырған.

- Көліктегі жүк Өзбекстан азаматына тиесілі. Ресей елінен Қазақстанға өтіп, Өзбекстанға апара жатқан. Оған қоса дәрі-дәрмектердің сақтау мерзімі әлдеқашан өтіп кеткен, - дейді Полиция департаментінің баспасөз қызметі.