Синоптиктер жақын күндері Қазақстанда аяз болады деп болжауда

Қазгидрометтің ақпаратынша, елдің басым бөлігінің ауа райына ылғал қоры мол циклон әсер етеді. Жауын-шашын түседі, көбінесе қар жауады, жел күшейеді, солтүстік облыстарда бұрқасындатады, деп жазады sputnik.kzсайты.

Республиканың батысына суық солтүстік-батыс антициклоны ығысып, соның әсерінен 15 қарашадан бастап жауын-шашын тоқтайды деп болжанып отыр.

- Түнгі уақытта еліміздің басым бөлігінде -10-18 градусқа дейін аяз болса, оңтүстік-батыс, оңтүстік, оңтүстік-шығыста және шығыста ауа температурасы -2-13 градусқа дейін төмендейді, - делінген хабарламада.