Жедел алдын алу шарасы онлайн форматта өтетін болады

Инспекторлар өздерінің әкімшілік учаскелерін аралауды азайтады және әлеуметтік желілерде және үй чаттарында алдын алу жұмыстарына назар аударады.

Алматы қаласы ПД жергілікті полиция қызметі басқармасының бастығы Манап Саттаровтың айтуынша, учаскелік полицейлер тексеру және анықтау рәсімдерінің басым бөлігін жаңа ақпараттық технологиялардың көмегімен жүзеге асыратын болады, деп хабарлайды Polisia.kz сайты. Мұның себебі елдегі коронавирусқа қатысты жағдай болды.

Құқық қорғау органдарына Facebook-тегі ресми қызметтік парақшаларды, мессенджерлердегі жалпыүйлік чаттарды пайдалану және онлайн режимінде сөйлесу арқылы қажетті ақпаратты алу тапсырылды.

- Полиция қызметкерлері азаматтардың кез келген заңсыз әрекеттері туралы сигналдарына дәл осылай жауап береді, - деді ол.