/ Әлем және Қазақстан

Батыс Қазақстандағы ірі өзендердің бірі жойылып барады

Ақтөбеліктер еліміздің ең ұзын өзендерінің бірі жойылудың сәл-ақ алдында тұрғанын айтып, дабыл қақты
17 қыркүйек 2020 года, 12:28 2668 Устинка Live
Новости Казахстана и регионов на сегодня. - На западе Казахстана исчезает крупная река
Бұл туралы KAZ.NUR.KZ порталы КТК телеарнасына сілтеме жасап хабарлайды.
 
Облыс тұрғындары Уіл құрғаса, онымен бірге ондаған елдімекен жойылып кететінін айтуда, деп жазады 

Уіл өзенінің ұзындығы кезінде 800 шақырымды құрайтын, алайда соңғы жылдары өзен қатты тартылып кетті. Өзеннің суы жасылданып, одан жағымсыз иіс шыға бастаған дейді Ақтөбе облысының тұрғындары. 

Олар күндердің бір күні өзен мүлде жойылып кетуі мүмкін екенін айтуда. Өзенмен бірге ішетін су да жоғалады дейді олар. 

Жергілікті шенеуніктер өзен табиғат ерекшеліктерінен тартылып жатыр деген пікірде. Олардың айтуынша, соңғы бірнеше жылда қыста қар аз түскен, жыл бойы жаңбыр аз жауған, сәйкесінше, өзен дұрыс суға тола алмаған. 

Экологтар болса, олармен келіспей отыр. Олар өзеннің тартылуына адамның әрекеттері себеп екенін алға тартып, адамдар келтірілген залалдың орнын толтыруы тиіс деген пікірде.

- Экожүйені өңірді жасылдандыру арқылы қалпына келтіру керек. Суды тазарту керек. Миллиардтық шығыны бар кеңейтулердің еш пайдасы жоқ, - дейді эколог Александр Мандыркин.

Айта кетерлігі, Ақтөбе облысында су қоймаларының мәселесі өршіп тұр - барлық дерлік өзендер тартыла бастаған, экологтар бұл мәселе бойынша бірнеше жыл дабыл қағып келуде екен. Алайда әзірге мәселені шешетін адам жоқ.


Загрузка...

Тақырып бойынша жаңалықтар

Устинка Live хабарландыруларын алып тұрыңыз