Қазақстан Нұр-Сұлтан тұрғыны 4,5 млн теңгенің есірткісін өсірген
Ұлттық қауіпсіздік комитетінің қызметкерлері құрамында есірткі зат бар өсімдіктерді заңсыз егіп-өсіру әрекетінің жолын кесті
2020 жылғы 14 мамырда ҚР ҰҚК Нұр-Сұлтан қаласы бойынша департаменті ҚР ҰҚК Орталық аппаратымен бірлесіп, құрамында есірткі зат бар өсімдіктерді “гидропоника“ әдісімен заңсыз егіп-өсіруге қатысы бар “А“ есімді азаматты ұстады.
- Тінту барысында каннабис элиталық сортының түптері (көкнәр, нарықтық құны 4,5 млн теңге шамасында), ауа ылғалдатқыш, арнайы қыздыру шамдары, желдету жүйесі, сондай-ақ кептірілген каннабис жапырақтары, электрондық таразы мен орау материалы алынды, - деп мәлімдеді ҚР ҰҚК Баспасөз қызметі.
Осы факт Қазақстан Республикасы Қылмыстық кодексінің 3400-бабы 1-бөлігі бойынша СТБТ-ға тіркелді.
Алынған заттар бойынша сот-химиялық сараптама тағайындалды. Сотқа дейінгі тергеу жалғасуда.