Қазақстан Президенті Нұр-Сұлтанның қуат жүйесіндегі апатқа кінәлілерді іздеуді тапсырды

Бұл туралы Қазақстан Президентінің баспасөз хатшысы Берік Құрманғали мәлімдеді.

- Астананың едәуір бөлігінің жарықсыз қалуына байланысты мемлекет басшысы Қасым-Жомарт Тоқаев үкіметке Премьер-Министрдің орынбасары Роман Скляр басқаратын арнайы комиссия құруды тапсырды. Мұқият тергеу жүргізу, кінәлілерді анықтау қажет, қажет болған жағдайда істер құқық қорғау органдарына жіберіледі, - деп жазды Құрманғали дүйсенбідегі Facebook-тегі парақшасында. - Президент үкіметтен және Нұр Сұлтан әкімдігінен болашақта осындай жағдайдың алдын алу үшін жедел шаралар қабылдауды талап етті.

Жексенбіге қараған түні Нұр-Сұлтанда сол жағалаудағы қосалқы станциядан шыққан кабельдік каналда өрт болды. Өрт сөндіру бригадаларының қауіпсіздігі үшін осы кабель желісінен қуат алатын тұтынушыларға электр қуаты өшірілді.

Қуаттанбағандардың ішінде сол жағалаудағы тоғыз көп пәтерлі тұрғын үй кешені, сонымен қатар әкімшілік ғимараттар - президенттің резиденциясы, Парламент Сенаты, Мәжіліс, Министрлер үйі, Үкімет үйі және Жоғарғы Сот бар.

Дүйсенбіде Нұр сұлтанның әкімшілік және тұрғын үйлеріне жарық беру қайта жалғасты. Қазіргі уақытта әкімдіктің хабарлауынша, «Бәйтерек» монументін, «Керуен» сауда-ойын-сауық орталығын, «Изумрудный кварталы» бизнес орталығын, Ұлттық кітапхана мен Ұлттық мұрағат ғимараттарын қосу жұмыстары жүргізілуде.