IMEI-кодтты тіркеу ережелері дайындалуда

ҚР Ақпараттар және коммуникация министрі Дәурен Абаев өзінің әлеуметтік желідегі парақшасында телефон IMEI-кодтарын тіркеуге қатысты сұрақтарға жауап берді, деп жазады «Казинформ» халықаралық ақпарат агенттігі.

- Біз тұрғылықты жері бойынша тіркеуге байланысты тәжірибені ескердік, сондықтан да үрдіс қарапайым болып, ешқандай кезек пен шу тудырмауы керек, - деп атап өтті ҚР Ақпараттар және коммуникация министрі Дәурен Абаев. – Бұл жүйе телефон ұрлығының санын айтарлықтай азайтуы керек. Өйткені телефоны ұрланған адамның арызынан соң ол бұғатталуы мүмкін. 

Жалпы, елімізде жылына 60 мыңға жуық телефон ұрлығы болады екен. Оның тек 5%-ға жуығы ғана иелеріне қайтарылады. 


Ерке Мұхаметкәрім